ATH Ný heimasíđa á nćstunni www.lundur.net
07. janúar 2008 klukkan 20:51
ATH Ný heimasíða tekin við þessari www.lundur.net
Erlingur Jónsson
ATH Ný heimasíða tekin við þessari www.lundur.net
Forvarnarverkefniđ Lundur ađ hefja nýtt ár. ( Göngudeild 88-Húsinu )
04. janúar 2008 klukkan 10:23
Nú eru jól og áramót liðin og nýtt ár hafið. Áttum ég og fjölskyldan mín frábæra og áhyggjulausa daga, þar sem sonur minn var til staðar og naut þess innilega að vera með fjölskyldum sínum og ættingjum. Eru þetta fyrstu jól og áramót í ca 6-8 ár sem hann hefur verið “EDRÚ”...Yndislegt, en það eru ekki allir svo heppnir að vera áhyggju- og kvíðalausir, og lausir við allan þann ótta sem því fylgir. Eitt er mér þó alveg óskiljanlegt, eins mikið og umræðan um forvarnir, fræðslu og stuðning er mikil í dag, og hversu margir eru að taka sig á og berjast við að snúa blaðinu við, ungir sem aldnir, er það hvað það eru fáir sem eru að styðja við bakið á þeim. Það þýðir ekkert að sitja heima, vona bara og eða ætlast til að þetta takist í þetta sinn og taka engan þátt í því. ( Virkar bara ekki þannig )Hvar eru foreldrarnir, systkinin, ættingjarnir og vinirnir. Af hverju sækir fólk sér ekki fræðslu þar sem hún er til staðar og styður þannig við bakið á þeim sem þau segjast elska og styrkja sjáfan sig þannig í leiðinni. Af hverju er það yfirleitt bara annar foreldrinn sem leitar sér hjálpar. Það mætti halda að sum börn væri eingetin og ættu bara einn foreldra. Annar foreldrin vill gera hlutina svona og hinn foreldrin hinnseigin, aldrei sammála. Hjá Lundi er hægt að fá fræðslu og styrk í þessum efnum.Er það út af skömm, er stoltið of mikið, er það hræðsla við álit annara, eða afneitum um að þetta gerist ekki hjá ykkar fólki? Fíknin fer ekki í manngreiningarálit hvort sem það sé áfengis-, eiturlyfja-, spila-, matarfíkn eða eitthvað annað. Það er enginn óhultur fyrir þessu fjanda. Við verðum að gera eitthvað, er það ekki?Eins og umræðan er opin og mikil um þetta í dag ætti fólk að drattast á lappir og gera eitthvað í málunum áður en ástandið versnar.Þau þurfa virkilega á ykkur að halda, meira en ykkur grunar og þið farið þá kannski að tala sama tungumál. Ég var í afneitun því miður allt of lengi og var t.d. ekki að skilja son minn, náði ekki að tala við af neinu viti fyrr en ég fór að gera eitthað sjálfur í mínum málum og hafa stjórn á minni tjáningu, læra að taka á meðvirkninni sem foreldri og aðstandandi,fræðast um sjúkdóminn. Að hafa sjúkling í fjölskyldu, smitar út frá sér. Að hafa heilbrigða fjölskyldu, smitar líka út frá sér, en við elskum samt báða ekki satt.
Svona fréttir eru stanslaust í blöðunum og verða áfram um ókomna tíð ef við gerum ekkert.Lögreglan var rænd.
23 þúsund e töflur teknar í Leifstöð.
150 e-töflur og 55 grömm af meintu a mfetamíni við húsleit í Reykjanesbæ. Ökumaður var tekinn fyrir meintan ölvunarakstur í Grindavík í nótt og annar réttindalaus.
Skemmdir á 13 ljósaskreytingum við önnur leiði og brotið rúðu í nýja kirkjugarðshúsinu.
Nokkrir handteknir grunaðir um ölvun við akstur eða akstur undir áhrifum fíkniefna Þetta er óþarfi.
Þeir sem hafa áhuga á að fá kynningu á Lundi og fræðslu um misnotkun áfengis,- fíkniefna og afleiðingar þess, hafi endilega samband.
Hér er dagskráin fyrir foreldrafræðsluna í janúar en öll á www.forvarnir.bloggar.is undir foreldrafræðslan.
* 7/1´08 Vímuefnin sem unglingarnir nota og áhrif þeirrLundur þakkar þeim sem styrkt hafa forvarnarverkefnið Lund með fjárframlögum og í verki.Nýárs- og baráttukveðja
* 14/1´08 Bataþróun hjá unglingum og íhlutun
* 21/1´08 Vímuefnameðferð unglinga
* 28/1´08 Vandi foreldra og þjónusta SÁÁ í Göngudeildum
Erlingur JónssonS: 864-5452
lundur@mitt.is
ATH Ný heimasíða á næstunni www.lundur.net Hægt að skoða.
Erlingur Jónsson
Lundur óskar ykkur gleđilegt nýtt ár. Ný dagskrá byrjar mánudaginn 7.janúar
30. desember 2007 klukkan 19:02
Dagskrá mánudagaginn 7.janúar 2008
Sími: 421-6700
Kl. 16.30 -- 17.30 Stuðningshópar
Kl. 18.00 -- 18.45 Foreldrafræðsla
Kl. 19.00 -- 20.00 Hópastarf
Símanúmer ráðgjafa eru 421-6700
Hörður: 824-7635
Unglingasímin: 824-7666
Lundur/Erlingur: 864-5452
Erlingur Jónsson
Foreldra frćđslan
23. desember 2007 klukkan 14:18
Þeir foreldrar sem hafa sótt foreldrafræðsluna hjá Lundi ætla að hittast á milli jóla og nýárs, nánar tiltekið fimmtudaginn 27. desember kl.20.00 í húsi Sjálfsbjargar ( Björginn )
Spjallað verður saman um hvernig gengur og pústað út, og deila tilfinningum með öðrum. Þetta er opið öllum foreldrum sem vilja vera með.
Nánari uppl Elli
864-5452
lundur@mitt.is
Erlingur Jónsson
Ađsent frá móđur.
20. desember 2007 klukkan 13:45
Litla stelpan mín.
Ég þekki þetta af eigin raun, á barn sem er á valdi fíknarinnar. Þegar foreldrar eignast lítið barn þá er allt svo yndislegt, barnið þitt litla er svo saklaust og fallegt. Barnið stækkar og verður unglingur, allt er í lagi eða svo heldur maður þangað til annað kemur í ljós. Maður les fréttirnar: Keyrði undir áhrifum fíkniefna, tekinn með svona mikið magn af fíkniefnum, braust inn undir áhrifum fíkniefna, barði mann og annan os.fr Þetta er daglegt brauð, maður les þetta og heldur svo áfram venjulega lífinu sínu ÞANGAÐ TIL....... einn daginn vakna ég við vondann draum, litla saklausa sæta stelpan mín er farin að nota fíkniefni, þetta átti ekki að koma fyrir hjá MÉR. Ég sem reyndi að gera allt svo rétt.......
LItla stelpan mín er 18 ára gullfalleg stúlka í dag, hún notar fíkniefni daglega, hún byrjaði BARA á því að prófa að reykja hass, BARA í EITT skipti. Frá fyrsta degi kom í ljós að hún er FÍKILL, það var ekki aftur snúið.
Núna eru að koma jól og litli engillinn minn er einhversstaðar þarna úti, hún er ekki tilbúin til að leyta sér hjálpar, hún er ekki tilbúin til að koma til mömmu og biðja um hjálpina sem hún VEIT að bíður hennar. Nei, fíknin er svo sterk, hún yfirtekur litlu stelpuna mína og heldur henni í heljargreipum.
Ég veit ekki hvernig jólin verða á þessu heimili, hef sem betur fer ekki upplifað jól áður með barn í neyslu, en þessi fyrstu jól eru að koma núna og ég verð að segja alveg eins og er: HNÚTURINN Í MAGANUM ER STÓR !
Biðjum fyrir öllum sem eiga um sárt að binda um hátíðirnar.
Erlingur Jónsson
Gleđilega hátíđ
20. desember 2007 klukkan 12:21
Lundur biður að guð gefi þér og þínum friðsæla og gleðilega hátíð og þakkar ykkur fyrir stuðninginn á árinu sem er að líða ( 2007 )
Símanúmer ráðgjafa eru
Hörður: 824-7635
Vogur/unglingadeild: 824-7666
Lundur/Erlingur: 864-5452
Erlingur Jónsson
Síđasti opnunar tími Lundar fyrir áramót er 17. desember
14. desember 2007 klukkan 12:53
Síðasti tími með dagskrá hjá Lundi fyrir áramót er mánudaginn 17. desember.
Hvet fólk til að nýta sér vel þann dag.
Dagskrá mánudagaginn 17.des
Sími: 421-6700
Kl. 16.30 – 17.30 Stuðningshópar
Kl. 18.00 – 19.00 Foreldrafræðsla og hópastarf
Heitt kaffi, kakó og kökur
Erlingur Jónsson
Lundur ţakkar veittan stuđning.
14. desember 2007 klukkan 09:15
Þökkum Fiskmarkaði Suðurnesja fyrir veittan styrk í gær 13. des.
Erlingur Jónsson
Berum virđingu fyrir öđrum.
13. desember 2007 klukkan 09:12
Þeir sem hafa gengið í gegnum það svartnætti að vera með einstakling í neyslu er ekki skemmtileg reynsla, hvort sem það er barnið manns, maki eða foreldri. Þá er þetta oft á tíðum einn versti tími ársins. Hvernig verða jólin eða áramótin. Hér förum við að kvíða fyrir hátíðisdögum en ekki að gleðjast eins og ætti að vera. Það er því miður farið að hafa áhrif á marga nú í desember mánuði, ýmis vanlíðan og kvíði. þar sem allir eru að keppast við að reyna að gleðja aðra á mismunandi hátt. Sumir eru búnir að plana ýmislegt flott, mikið og skemmtilegt en hafa hvorki tíma, fjármagn né getu til að framkvæma það. Fer þá í sjálfsvorkunn, þunglindi og finnst allt ömulegt sem það er að gera og halda að allir séu að tala um sig. En þetta er yfirleitt bara allt í höfðinu á okkur. Við þurfum ekki að gera svona mikið enda er það oft alveg út í hött að láta sér á annað borð detta slíkt í hug. Bara að minnka við sig verkefnin, það er alltaf hægt að gera þau seinna þegar maður er tilbúin og í stuði til þess, þá er líka gaman að eiga við hlutina og hugarfarið jákvætt og gera það í sátt við sjálfan sig og aðra.Láta hjartað ráða för en ekki hausinn, hann á það til að blekkja okkur og leiða okkur á villigötur því miður. Við eigum heldur ekki að láta aðra hafa áhrif á okkar líðan, það á engin rétt á því. Það á hver og einn að fá að gera hlutina eins og hann vill og hefur getu til án þess að það sé verið alltaf verið að gagnrýna það. Það er enginn eins og við viljum fá vera eins og við erum. Það breytir enginn öðrum, einungis sjálfum sér og þá breytist viðhorf okkar og vonandi annara.Enn og aftur vil ég árétta það, til þess að hjálpa öðrum þurfum við að skoða hvað við getum fyrst gert fyrir okkur sjálf. Þeir sem eru aðstandendur ættu endilega að panta tíma hjá Lundi til að fá einhver svör fyrir sig, því að annars er yfirleitt verið að taka rangt á málum. Við höldum alltaf að við séum að gera rétt en í flestum tilfellum eru það ekki svo og vegna þess kunnáttuleysis og hvað við erum orðin meðvirk og veik án þess að gera okkur grein fyrir því erum við einungis að viðhalda ástandinu og gera það verra. Sem sagt að hjálpa þeim veika að verða veikari og verða veikari sjálf, ef ekkert er gert. Gerum betur, við getum það. Látum ekkert eyðileggja fyrir okkur hátíðina.
Berum virðingu fyrir öðrum.
Gleðileg jól
F.h Lundar/Erlingur Jónsson
Erlingur Jónsson